Hininga

araw gabing ginawa ng Diyos ako'y nagtataka
pagkat ang hilik sa gabi ay dusa sa umaga
kung may hiningang aso sa kamang kayganda,
may hingang daga naman ng pulubi sa kalsada.




silang nakahiga sa kama ng yaman
ariin man nila't hindi'y may nakalilimutan.
sa bawat paghinga nila ng hiningang pangmayaman,
tila nalilimutan ang sumpa ng kamatayan.




hiningang hinihinga sa puso ng kahuwaran
ay sumpa sa munting yaman na iniingatan
ni mahirap na ang paghinga ay nakasalalay sa kandungan
ng Diyos ng lahat na Hari ng kabanalan




hingang pilit lamang ay nakabubuti
kaysa sa hingang ang kahulugan ay hindi mawari.
hingang hinihinga lang sa palad ni gabi
ay hingang hinihinga ng kaawa-awang pulubi.




Habang nabubuhay ang kayraming tao
ay hindi matatapos ang paghingang makamundo.
Ang hininga ni mayama'y lagi na lang  minamabango
habang ang kay mahirap ay di inaalam kung ano!