Ang gabing madilim

(ikalawang saknong na to....nakahihilo)




mahirap ngang isiping malapit na ang umaga
gayong ang totoo'y kaytagal sa tuwina.
Isang pikit, isang kisap-mata
sa mundo nati'y kayraming nag-iisa...

ang gabing madilim

isang saknong muna....nakapapagod mag-isip


"ang gabing madilim ay nakatatakot
dahil sa lagim na laging dinudulot
lagim na kung isipi'y hindi malimot
pagkat isipang liko ang siyang nagdulot"

ARAW ng mga INA

kanyang hirap at pawis ay inialay

upang masilayan ang inaasam na tagumpay

hindi ng sarili kundi ng mga inakay

na nagsisilangoy na sa ilog ng buhay.

siya ay siya lang at walang kapantay

maging ang kayamanang lubhang makukulay.

Siya man din ay ginto na sa mata ay mahal

maging sa uri pa at sa  halagang tinataglay.

mahirap ang mundo pag siya ay wala

lalo na sa inakay na wala pang nagagawa

kundi umiyak at umiyak at lumuha at lumuha

habang naghihintay sa inang mapagkalinga.

Ano baga ang mundo kung wala ang ina?

Ano baga si Jesus kung wala si Maria?

Ano si Jose Rizal kung wala sa Donya Teodora?

sa mundo ano ako,ano siya,ano ka?

mahirap bilangin ang nagdaang araw

lalo na kung gunita ni Ina ang binibilang.

mahirap tumingin sa pambukas na araw

habang nawawala ang isang nakaraan.

Habang tumatagal ay tumatanda

ang panlabas na anyo ni ina

ngunit hindi ang kanyang pagmamahal

na mananatiling bata magpakailanman.

o Ina, o Ina, ikaw ay marapat purihin

pagkat tunay kang alagad ng DIYOS natin.

sa iyong aruga at pagmamahal sa amin,

ay mabubuhay kang may karangalang tataglayin.

tatlo,dalawa,isa



ubo....
ubo...
ubo...


sa bawat ubong kanilang naririnig
sa bawat alingawngaw ng paos kong tinig
sa bawat tinig na tila nasasamid
ay nabubuhay ang tulad ko sa panganib.


ubo...
ubo...
ubo...


ako'y nahihiya
pagkat ang tinig ko'y parang tigang na lupa
at ang saya sa aking mukha
ay sayang ipininta ng brilyanteng mga luha.




ubo..
ubo..


mahina't paos at nangangating lalamunan
ay tila nakasiping sa aking talampakan
ang sakit sa aking kalingkingan
ay magiging sakit ng buong lipunan.


ubo..
ubo..


ako'y nananawagan
sa lahat ng may awa na ako'y kaawaan
at sa lahat ng kalahatan
na ako'y painumin ng gamot na pampabuhay.


ubo.
ubo.


isa-isa na lang ngayon ang inyong maririnig
na tunog mula sa aking bibig
ang ibig sabihin kung hindi man ako gumaling,
ako'y tinatawag sa aking libing.....

Mga  Saksi

ang mesa

ang baso

ang platito

ang liwanag

na natatanaw ng nahihilong tao

doon

doon

sa kanto

sa tindahang pambungad

sa mga bisitang lumalangoy sa libag

na kahit walang pera

na kahit walang laman ang bulsa

na kahit walang kaya ay susugod pa.

Doon sa kanto

sa tindahang laging bukas

ay may mesang naghihintay

sa matatalik na kaibigang

kapag niregalohan ng isang bote

ay mahihilo

ay mag-iiba

ay magiging misteryoso

ay magiging mangsesermon

ng walang kwentang pangaral

at turong walang saysay.

Doon sa kanto,

sa ikapitong langit

sa ikaanim na ulit

sa ikalimang pagsapit

ng apat na lupit

ng taong mahiligin sa dalawang halik

sa boteng kapatid ni tulog

pamangkin ni hilo

at apo ni Sermon

at minsan pa’y asawa ni gulo.

Doon sa kanto

ay may mesang saksi

at may baso

at platito

at taong nahihilo…

hilo sa buhay

malayang tunay

na anak ni dalita

ay sa alak nagpasasa

at humalik sa lupa

at lumura

at sumuka

at natumba.

Sa susunod na araw

ay may saksi pa rin

sa gawain ni Tao

gawain ni mahirap

gawain ni mababaw.

saksi si mesa

saksi si bote

saksi si platito

saksi si dilim

saksi si antok

at si bituka

sa lahat ng nangyayari!

Gawad Makata 2012
Mga Nagwagi ay makikita kapag i-click mo ITO

-------------------------------------------------------------------------------------------------


MANGGAGAWA

Mayo uno ng ginugunita
ang araw ng mga manggagawa,
araw na laging pinagpapala
ng Diyos nating Dakila.


Ang araw na ito ay isang yaman
na laging binabalikan,
yaman ng alaala at kabutihan
ng mga taong sadyang makabayan.


Ang mga taong sa simpleng gawa
ay kumakayod kung kaya't nagtatamong-pala.
Ang mga taong dinarakila
ay yaong mga manggagawa.


Manggagawa,manggagawa
pawis mo'y hiwaga
bisig mo'y panangga
lakas mo'y panlupa
talino mo'y sa langit nagmula
pagkatao mo'y di kayang maalipusta
ikaw ay sadyang pinakadakila!

Narito na ang nagwagi sa GAWAD MAKATA 2012 
mula sa Mga Tula at Kwento: Bahaghari ng Kaisipan


phoebe ann 
Kay Hirap Itago    





panget din ako
Anak ng Paksiw  
                                                                           
                                                 
                                                                                   









Pasaway si kikay
Prosti   

                                     
                                                                                                   


    







manulnulat
Isang Milyang Pangarap   

                                      
                                                                                                        



                                                                                                              







FilipiNonoy
kabaligtaran

Makatang Lasenggera                
Pitik...Bulag! 
Kasi nga Pinoy
Mendax
























Hanggang sa susunod.....Maraming salamat sa mga Lumahok....